|
|
Chësta é na uniun gnüda metüda sö por abelì les festes de dlijia. Scebëgn
che chësc fin sides inçe aldedaincö çiamò presënt, é sëgn inçe abelì
les festes profanes y a chësta moda mantignì y coltivé la müjiga ti paisc
a sorvisc dla comunité (sciöche al é inçe scrit dant dal statut). Na müjiga
n'é dessigü nia na uniun saurida da tignì impé cis nia sce an vëiga tan
de tëmp ch'an mëss dè ca te n ann. Porchël mëss vigni musiconter avëi
na gran pasciun, motivaziun y spirit de grup. Por ti dè motivaziun ai
musicontri ne bastel nia madër ti dè la poscibilité de sonè mo an mëss
inçe ti dè la ocajiun da stè adüm a se devertì fora dles proes y di conzerç
p.e. tolan pert a gares de schi o de liöses, tornei de palè fajan gites,
y i.i.. Motivaziun pòn inçe ciafè tignan alç i raporç cun d'atres musighes
dandadüt dl raiun ladin, podan insciö se confrontè y miorè deboriada.
|
